Kantos ngadangu hariring ieu ?
Anaking jimat awaking
geura hudang geura nyaring
duh ... geura nyaring
Balebat di wetan ngembat
ciciren surya sumirat
beuki nyingray lalaunan
kasipuh ku kingkilaban
geus lain wancina deui
hidep hirup dina ngimpi
tibra ngeukeupan impian
titenan tuh kanyataan
Bray ... balebat
Lagu di luhur teh hariring lagu Iin Bimbo nu kungsi kakuping ku kuring baheula. Harita teh mun teu salah taun 70-an ahir atawa 80-an awal.
Lagu ieu ngempurkeun cahya asih na jeroning hate sakumna urang nu ngadangu. Boh ku ceuli lahir kitu deui anu ngadangu ku ceuli batin atawa hate nu putih.
